اليوم لبنات جبتلكم الرفيس القنسنطيني
نتمنى يعجبكم وتجربوه
3 كيلات دقيق احرش
كيلة سمن
زيت
وملح
وماء
خلطي المكونات بلا ما تعجنيه لميه برك كي يتلم فرشيه في بلاطو فرشيه و قطعيه مربعات بالموس دخليه يطيب على درجة حراة عالية كي يحمار مليح نحيه وخليه يبرد تماما كسيه بيدك من بعد هرسيه بالمهراس او الروبوا من بعد رشيه بالحليب وافتليه بيدك حتى يطرى عندك تكثرى بزاف باش ميطمتش يجي كيما السكسي كي نرشوه بالماء خليه يشيح وحطيه يفور نحيه من الكسكاس حطيلو 2 مغارف كبار ومعمرين سكر حسب كمية الرفيس ولكان بزاف زيدي السكر ورشيه بالماء زهر افتليه بيدك ورجعيه يفور مرة ثانية نحيه حطيلو كمية من الجوز يكون مرحي خشين ومن الافضل كسريه برك ومن جهة اخرى دوبي زبدة وعسل كي تنحى الرفيس من التفوار وهو سخون ونكونو حطينالوا الجوز حطيلو الزبدة والعسل اى دوبتيهم وحطي بالشوية وخلطي حتى تطملك ويقدم مع زبدة البقر و الجوز من فوق و السكر الرطب وياكل مع اللبن
نتمنى تجربوه
ليست هناك تعليقات:
إرسال تعليق