السلام عليكم و رحمة الله تعالى و بركاته اليوم اخواتي في الله جبتلكم كرواسون بطيقة جديد ة هي صعبة نوعا ما بصح مرضية و جميلة و لذيذة
رطل فرينة
2 مغارف حليب غبرة
خمارة الحلوى
حبة بيض
مغرفة صغيرة ملح
للحشو لحم مرحي
جبن
حليب دافي
مرغرين التوريق
الطريقة :
رطل فرينة + مغرف كبيرة ماكلة + خميرة الخبز + 2 مغارف سكر +حليب غبرة 2 مغارف خلطوهم ونضيفوا ملح ونضيفوا بيضة و نص كاس زيت ونخلطوهم في الخلاط ونزيدو الحليب حتى تنطم نحطوها تخمر حتى تضاعف الحجم بالنسبة لمرغرين التوريق نقطعوها قطع ونحطوها تذوب في كاسول
كي تخمر العجينة نجيبوها نرشوا طاولة العمل بالفرينة حطي يدك فازيت باش ما تلسقش العجينة وقسمي عجينة 2 كل وحدة خرجي منها 4 كرات
نفتحوا كرة الاولى ونحطوها على جنب ونفتح كرة ثانية ونحطوها فوق الاولى بلا ما نعبز ونفتح 3 حتى نكمل 8 كرات نرجع للأولى نفتحوها قد ورقة المسمن ونجيبو الزبدة وندهنوها بالزبدة ونحط فوقها الفانية ونفتح وندهن حتى نكمل جميع الكرات تقسمي العجينة على 4 وكل وحدة تقسميها على 3 يخرجولك 3 مثلثات في بلاطوا ديري ورق الزبدة كل مثلث فتحيه شوى وديري فيه الفيونداشي و الفرماج وخليها تخمر 30 دقيقة كي تخمر دهنيها بالبيض ورشيها بالجلجلان و لا سينوج اختياري حاب ما ديري والوا ما ديري والوا
تقدرى ديري فيها الشيكولا الكونفيتير ( المربى ) ديري الشي لتحبي ساهلين بنان بزاف
ليست هناك تعليقات:
إرسال تعليق